ပထမတစ်ချက်က မြန်မာ့လက်ရွေးစင် ယူ-၁၉ ကစားသမား တစ်ဦးဖြစ်တဲ့ မြတ်ကောင်းခန့်ဟာ ရတနာပုံအသင်းအတွက် ဒုတိယဂိုး သွင်းပေးခဲ့ပါတယ်။ မြတ်ကောင်းခန့်အနေနဲ့ စီနီယာအသင်း မှာ ပထမဆုံးပွဲထွက် ကစားလာခဲ့တာဖြစ်သလို ပထမ ဆုံးပွဲဦး ထွက်မှာပဲ ဂိုးသွင်းယူနိုင်ခဲ့တာလဲ ဖြစ်ပါတယ်။ မြတ်ကောင်းခန့်ဟာ အနာဂတ် မြန်မာ့လက်ရွေးစင် အသင်း အတွက် အားထားရမယ့် ကစားသမား တစ်ဦးဖြစ်လာမှာ ဖြစ်သလို မိခင်ရတနာပုံအသင်းအတွက်လဲ အဖိုးတန် အားကိုးရမယ့် ကစားသမားတစ်ဦးဖြစ်လာဦးမှာ ဖြစ်ပါတယ်။
ဒုတိကယတစ်ချက်ကတော့ ရတနာပုံအသင်း တိုက်စစ်မှူး စည်သူအောင် တစ်ယောက်ထဲကပဲ လေးဂိုး သွင်းယူပေးခဲ့ပြီး MPTMNL2018 ရဲ့ ပထမဆုံး ဟတ်ထရစ်သွင်းနိုင်တဲ့သူဖြစ်လာပါတယ်.....
တတိယတစ်ချက်ကတော့ ရတနာပုံအက်ဖ်စီအသင်းနှင့် လက်ရွေးစင်ကွင်းလယ်ကစားသမား စည်သူအောင်သည် MPT Myanmar National League 2018 ရာသီအဖွင့်ပွဲစဉ်၌ ဧရာဝတီယူနိုက်တက်အသင်းဘက်သို့ တစ်ဦးတည်း လေးဂိုးသွင်းယူနိုင်ခဲ့ပြီးနောက် လိဂ်ပြိုင်ပွဲ ၁၀ နှစ်အတွင်း ရာသီအဖွင့်ပွဲစဉ်၌ တစ်ဦးတည်း လေးဂိုး သွင်းယူနိုင်သည့် ကစားသမားအဖြစ် မှတ်တမ်းဝင်သွားခဲ့တယ်။
