အကြိတ်အနယ် ကစားပြီး ဟံသာဝတီကို အဝေးကွင်းတွင် ရန်ကုန် အနိုင်ယူ

MPT Myanmar National League (Week-1) ပွဲစဉ်​များမှ ပွဲစဉ်​တစ်​ပွဲဖြစ်​​သော ဟံသာဝတီ ယူနိုက်​တက်​အသင်း နှင့် ရန်​ကုန်​ယူနိုက်​တက်​အသင်းတို့၏ ပွဲစဉ်ကို ယ​နေ့ည​နေက ပဲခူးမြို့ရှိ ဟံသာဝတီ ယူနိုက်တက်၏ အိမ်ကွင်းဖြစ်သည့် Grand Royal ကွင်​းတွင် ယှဉ်​ပြိုင်​ကစားခဲ့ကြရာ ပွဲပြီးဆုံးချိန်တွင် အိမ်ရှင် ဟံသာဝတီအသင်းကို ရန်​ကုန်​အသင်းက (၁ - ၂) ဂိုးရလဒ်​ ဖြင့်အနိုင်​ရရှိ ခဲ့သည်​။
ယ​နေ့ပွဲစဉ်​တွင်​ ဟံသာဝတီအသင်းသည်​ရန်​ကုန်​အသင်းကို အ​ကောင်းဆုံးယှဉ်​ပြိုင်​ ကစားနိုင်​ရန်​အတွက် အဓိကကစားသမားများဖြစ်​​သော ​အောင်​​ဇော်​ ၊ ​ရွှေလှိုင်​ဝင်း ၊မိုက်​ကယ် ၊​ မက်​စ်​စာကီ ၊​အောင်​မျိုးသူရ စသည့်အမာခံ ကစားသမားများပွဲထွက်​လာခဲ့ပြီး၊ ရန်​ကုန်​အသင်းကလည်း ကြည်​လင်း ၊ရန်​​အောင်​​ကျော်​ ၊ ​ဒေးဗစ်​ဒန်း ၊ဆီလာ ၊ရာမာဇာကီ စသည့်အဓိကကစားသမားများကို ပွဲထုတ်​လာခဲ့သည်​။​
ဟံသာဝတီအသင်းသည်​ အိမ်​ကွင်းအဖွင့်ပွဲဖြစ်သည် နှင့်အညီ ရန်​ကုန်​အသင်းကိုအ​ကောင်းဆုံး ဖိအား​ပေးနိုင်​ခဲ့ပြီး ရန်​ကုန်​အသင်း၏အဆုံးသတ်​​သေချာ မှု​ကြောင့်သာ ယ​နေ့ပွဲစဉ်​ကိုအရှုံးပေးလိုက်​ရခြင်းဖြစ်​သည်​။ယခုပွဲစဉ်​၏အဖွင့်ဂိုးကို ရန်​ကုန်​အသင်းကွင်းလယ်​ကစားသမား ရာမာဇာကီ ကပွဲကစားချိန်​(၄၄)မိနစ်​တွင်​သွင်းယူနိုင်​ခဲ့ပြီး အဆိုပါဂိုးသည်​ MPT Myanmar National League 2018 ပြိုင်​ပွဲ၏အဖွင့်ဂိုးလည်းဖြစ်​သည်​။ဒုတိယပိုင်း (၆၃) မိနစ်​တွင်​ ရန်​ကုန်​အသင်းတိုက်စစ်မှူး ဆီလာက ဟံသာဝတီအသင်းဂိုးသမား အမှားမှတဆင့်ဂိုးသွင်းယူနိုင်ခဲ့သည်​။ဟံသာဝတီအသင်း၏​​ချေပဂိုး ကို​တော့​နောက်​ခံလူမိုက်​ကယ်​က ပွဲကစားချိန်​ (၆၆)မိနစ်​တွင်​ ကန်​သွင်းယူနိုင်​ခဲ့ခြင်းဖြစ်​သည်​။လက်​ကျန်​မိနစ်​များမှာ​တော့ နှစ်​ဘက်​အသင်းကစားသမားများ အခွင့်အ​ရေးများကိုယ်​စီ ရရှိခဲ့​သော်​လည်း ဂိုးသွင်းယူနိုင်​ခဲ့ခြင်းမရှိပဲ ပွဲပြီးဆုံးခဲ့သည်​။

MPT Myanmar National League 2018 (Week-1)

Hantharwady Uninted F.C 1 - 2 Yangon United F.C

Yamazaki (44)' (Yangon)
Sylla (63)'  (Yangon)
Micheal (66') (Hantharwady)
Full Time