မကွေးဘောလုံးအသင်းအနေဖြင့် မကွေးတိုင်းတွင် အခြေစိုက်၍ မြန်မာ့ဘောလုံးလောကတိုးတက်လာစေရန် ရည်ရွယ်ဖွဲ့စည်းခဲ့ခြင်းဖြစ်သော်လည်း အကြောင်းအမျိုးမျိုးကြောင့် ရန်ကုန်မြို့တွင် အခြေစိုက်၍
ပြိုင်ပွဲများကို နှစ်စဉ်နှစ်တိုင်း ယှဉ်ပြိုင်နေခဲ့ရပါသည်။
မကွေးဘောလုံးအသင်းမှ အုပ်ချုပ်/နည်းပြ/ကစားသမားများအားလုံးကလည်း မကွေးတိုင်းတွင် ကိုယ်ပိုင်အိမ်ကွင်းဖြင့် ပြိုင်ပွဲများကို လက်ခံကျင်းပပေးရန် ဆန္ဒများရှိနေကြပါသည်။ မကွေးအသင်းအနေဖြင့် မကွေးတိုင်းတွင် အခြေစိုက်ပြီး ဘောလုံးပြိုင်ပွဲများ ကျင်းပခြင်း၊ ဘောလုံးသင်တန်းများဖွင့်လှစ်ခြင်း၊ မကွေးဘောလုံးအသင်းအတွက် လူရွေးခြယ်ခြင်းများကိုလည်း ပြုလုပ်ပေးနိုင်ရန် ဆန္ဒများရှိနေပါသည်။ သို့ပါသော်လည်း အကြောင်းအမျိုးမျိုးကြောင့် ယခုအချိန်အထိ အိမ်ကွင်းလက်ခံကျင်းပပေးနိုင်ရန် အစီအစဉ်မဖြစ်မြောက်သေးသဖြင့် မကွေးအသင်း ပရိသတ်များအား လွန်စွာမှ ဝမ်းနည်း အားနာမှုများ ဖြစ်နေရပါသည်။
သို့ဖြစ်ပါ၍ မကွေးတိုင်းအတွင်း အိမ်ကွင်းလက်ခံယှဉ်ပြိုင်နိုင်ခြင်း မရှိသည့်အပေါ် နားလည်ခွင့်လွှတ်ပေးကြပါရန်နှင့် မကွေးအသင်းအား အားပေးမှုတွင် အဆင်မပြေမှုများရှိနေရသည့်အတွက်ကို နားလည်ခွင့်လွှတ်ပေးကြပါရန် ပန်ကြားအပ်ပါသည်။
မကွေးဘောလုံးအသင်းမှလည်း ကျင်းပလျက်ရှိသော မြန်မာနေရှင်နယ်လိဂ် ၂၀၁၈ တွင် အကောင်းဆုံးလေ့ကျင့်ယှဉ်ပြိုင်သွားမည်ဖြစ်သည်ဟု ကတိပြုပြီး ဘောလုံးချစ်ပရိသတ်များကလည်း မကွေးဘောလုံးအသင်းအပေါ်တွင် ဆက်လက်ချစ်ခင်အားပေးကြပါရန် ပန်ကြားအပ်ပါသည်။
