Saturday, January 20, 2018

မြဝတီကို အနိုင်ကစားကာ နိုင်ပွဲစတင်ရယူခဲ့သည့် GFA FC အသင်း

MPT Myanmar National League 2018 ပွဲစဉ်(၂) ပွဲစဉ်တစ်ပွဲဖြစ်သည့်မြဝတီအသင်းနှင့်ဂျီအက်ဖ်အေအသင်းတို့၏ ပွဲစဉ်ကို ယနေ့ ညနေပိုင်းတွင်အောင်ဆန်းကွင်း ကျင်းပခဲ့ရာ ဂျီအက်ဖ်အေအသင်းမှ ၃-၀ ဖြင့်ဂိုးပြတ်အနိုင် ရရှိခဲ့သည်။
ထိုပွဲတွင်ဂျီအက်ဖ်အေအသင်းအတွက် ဦးဆောင်ဂိုးကို တိုက်စစ်မှုး အန်တိုနီ ကပွဲချိန် ၁၉ မိနစ်တွင် သွင်းယူခဲ့ ပြီး စိုးဝင်းထွန်းမှ ၂၂မိနစ်နှင့်၃၅မိနစ် တို့တွင်ထပ်မံသွင်းယူနိုင်ခဲ့သဖြင့် ပွဲကိုဦးဆောင်နိုင်ခဲ့သည်။
‌ဒုတိယပိုင်းတွင် ပြိုင်ဆိုင်မှုပြင်းထန်ကာမြဝတီအသင်းသည် ဂျီအက်ဖ်အေ အသင်းကို ပြန်လည်တိုက်စစ်ဆင်မှုများ ပြုလုပ်ခဲ့ပြီးချေပဂိုးသွင်းယူနိုင်ရန်ကြိုးစားသော်လည်းဂျီအက်ဖ်အေအသင်းမှကာကွယ်နိုင်ခဲ့သဖြင့်မြဝတီအသင်းအရှုံးနှင့်သာရင်ဆိုင်ခဲ့ရသည်။