ရှမ်းယူနိုက်တက်နှင့် ရန်ကုန်ယူနိုက်တက်အသင်းတို့ ယှဉ်ပြိုင်မည့် MPT Myanmar National League ပြိုင်ပွဲအကြို MFF Charity Cup 2018 ပြိုင်ပွဲ (ရန်ပုံငွေဖလားပွဲစဉ်)ကို ဇန်နဝါရီ ၇ ရက် ညနေ ၃း၃၀ အချိန်တွင် ရန်ကုန်မြို့၊ အောင်ဆန်းကွင်း ၌ ကျင်းပသွားမည်ဖြစ်သည်။
MPT Myanmar National League 2018 ရာသီကြို ကွင်းဖွင့်အလှူရန်ပုံငွေဖလား အဖြစ် မြန်မာနေရှင်နယ်လိဂ် ချန်ပီယံ ရှမ်းယူနိုက်တက်အသင်းနှင့် အမှတ်ပေးဇယား ဒုတိယနေရာမှ ရန်ကုန်ယူနိုက်တက်အသင်းတို့ ယှဉ်ပြိုင်သွားကြမည်ဖြစ်သည်။
ပြိုင်ပွဲ၏ စည်းကမ်းသဘောတရားအရ မြန်မာနေရှင်နယ်လိဂ် အမှတ်ပေးချန်ပီယံနှင့် ဗိုလ်ချုပ်အောင်ဆန်းဒိုင်း ရှုံးထွက်ချန်ပီယံအသင်းတို့ ယှဉ်ပြိုင်ရခြင်းဖြစ်သော်လည်း ၂၀၁၇ခုနှစ်တွင် ရှမ်းယူနိုက်တက်အသင်းက ပြိုင်ပွဲနှစ်ရပ်စလုံး၌ ချန်ပီယံဖြစ်ခဲ့သောကြောင့် ဒုတိယနေရာမှ ရန်ကုန်ယူနိုက်တက်အသင်းနှင့် ရှမ်းယူနိုက်တက်အသင်းတို့ယှဉ်ပြိုင်ရခြင်းဖြစ်သည်။
မြန်မာနေရှင်နယ်လိဂ်အနေဖြင့် တိုင်းပြည်၏ လူမှုရေးလုပ်ငန်းများ၌ တတ်စွမ်းသမျှ ပါဝင်လှူဒါန်းနိုင်ရန်နှင့် ကလပ်အသင်းများ၏ ရာသီကြို ခြေစွမ်းကို ပရိသတ်များ ခံစားသုံးသပ်နိုင်စေရန် အဆိုပါ ရန်ပုံငွေဖလားပြိုင်ပွဲကို ကျင်းပခြင်းဖြစ်သည်။ ထိုပွဲစဉ်အတွက် ကွင်းဝင်ကြေးကို အထူးတန်း ၂၀၀၀ ကျပ်နှင့် ရိုးရိုးတန်း ၁၀၀၀ ကျပ် သတ်မှတ်ထားပြီး ရရှိလာသည့် ကွင်းဝင်ကြေးများနှင့် အလှူရှင်များ၏ လှူဒါန်းငွေများကို ပရဟိတကျောင်းများသို့ ခွဲဝေလှူဒါန်းပေးသွားမည်ဖြစ်သည်။ထို့ကြောင့် ပရိသတ်များအတွက် မြန်မာနေရှင်နယ်လိဂ် ထိပ်သီးနှစ်သင်း၏ အကြိတ်အနယ် အားပြိုင်မှုအဖြစ်သာမက ဘောလုံးပွဲကြည့်ရှုရင်း အလှူရှင်တစ်ဦးအဖြစ်ပါ ပါဝင်ဖြည့်ဆည်းခွင့် ရရှိမည့် ပြိုင်ပွဲလည်း ဖြစ်၍ နေပါသည်။
ထို့ပြင် ယင်းပွဲစဉ်၌ ဖျော်ဖြေရေး အစီအစဉ်များလည်း ထည့်သွင်းထားပြီး ပြိုင်ပွဲမတိုင်မီ မွန်းလွဲ ၂ နာရီမှ စတင်၍ မင်းမော်ကွန်း၊ သူထူးစံ၊ မိုးမိုး၊ လွှမ်းပိုင်|ယုန်လေး၊ ဟဲလေး၊ နိုင်းဝမ်း၊ မိုးယံဇွန်း၊ မင်းသွေး၊ D ဖြိုး၊ Wai လျှံ၊ သားသား၊ ဖြိုးပြည်စုံ၊ အိမ့်ချစ်၊ Bobby Soxer |ဂေးဂေး၊ ချာချာ စသည့် နိုင်ငံကျော် အနုပညာရှင်များ၏ ဖျော်ဖြေတင်ဆက်မှုများဖြင့် စည်းကားသိုက်မြိုက်စွာ ကျင်းပသွားမည်ဖြစ်ပါသည်။
ထို့ကြောင့် နှစ်သစ်ကူးအခါသမယ၌ ဘောလုံးပွဲ အားပေးကြည့်ရှုရင်း ကုသိုလ်ထူး ပါရမီ ဖြည့့်ဆည်းခွင့်ရမည့် ရာသီကြို MFF Charity Cup ပွဲစဉ်အား မြန်မာဘောလုံးပရိသတ်များ အတူတကွ လာရောက်အားပေးကြည့်ရှုကြရန် လေးစားစွာ ဖိတ်ခေါ်လိုက်ရပါသည်။
ဘောလုံးပွဲအားပေးရင်း ကုသိုလ်ထူးကြုံခွင့်ရမည့် ရာသီကြို MFF Charity Cup ပြိုင်ပွဲ
Related Posts:
ရာသီသစ်အတွက် ရတနာပုံအသင်း စတင်လှုပ်ရှားပြီ ~ ချင်းယူနိုက်တက်မှ ဘီဘီကို ခေါ်ယူခဲ့ပြီး သက်နိုင်နှင့် သိန်းသန်းဝင်းကို စာချုပ်သက်တမ်းတိုးပြီးခဲ့သည့် ဘောလုံးရာသီက ချန်ပီယံဆုဖလားကို ကာကွယ်နိုင်ခဲ့ခြင်း မရှိသည့် ရတနာပုံ အသင်းသည် လာမည့် ၂၀၁၈ ဘောလုံးရာသီ MPT Myanmar National League 2018 ပြိုင်ပွဲ အတွက် ကြိုတင် ပြင်ဆင်မှုများ စတင်ပြုလုပ်လာခဲ့ပြီ ဖြစ်သည်။ လာမည့် ၂၀၁၈… Read More
နောက်ခံလူ မွန်ကာလူးအား ရန်ကုန်ယူနိုက်တက်အသင်း ပြန်လည်ခေါ်ယူမည်ရန်ကုန်ယူနိုက်တက်အသင်းသည် ပြီးခဲ့သည့် ဘောလုံးရာသီက အသင်းတွင် ကစားခဲ့သော နောက်ခံလူ မွန်ကာလူးကို ပြန်လည်ခေါ်ယူမည်ဖြစ်ကြောင်း သိရသည်။အိုင်ဗရီကို့စ် နောက်ခံလူ မွန်ကာလူးသည် ပြီးခဲ့သည့် MNL MAX CEMENT 2017 အမှတ်ပေးဘောလုံးပြိုင်ပွဲတ… Read More
ခြေစမ်းပွဲတွင် ရန်ကုန်နှင့် ဧရာဝတီယူနိုက်တက်တို့ နိုင်ပွဲကိုယ်စီရခဲ့MPT Myanmar National League 2018 အမှတ်ပေးပြိုင်ပွဲအတွက် ကြိုတင်ပြင်ဆင်သည့် အနေဖြင့် ဒီဇင်ဘာ ၉ ရက်(ယနေ့) နံနက်က ရန်ကုန်ယူနိုက်တက်အသင်းနှင့် ရခိုင်ယူနိုက်တက်၊ ဧရာဝတီယူနိုက်တက်အသင်းနှင့် မဟာယူနိုက်တက်အသင်းတို့ အသီးသီး ခြေစမ်းကစာ… Read More
ရန်ကုန်ယူနိုက်တက်အသင်းက ဟံသာဝတီအသင်းမှ မောင်မောင်လွင်ကို ၃ နှစ်စာချုပ် ချုပ်ဆို၂၀၁၈ ဘောလုံးရာသီအတွက် ပြင်ဆင်မှုများ ပြုလုပ်နေသည့် ရန်ကုန် ယူနိုက်တက် အသင်းသည် ဟံသာဝတီ အသင်းမှ ကွင်းလယ်ကစားသမား မောင်မောင်လွင် ကို ၃ နှစ်စာချုပ် ချုပ်ဆိုလိုက်ပြီ ဖြစ်သည်။ အသက် ၂၂ အရွယ်ရှိ မြန်မာ့လက်ရွေးစင် ကစားသမား မောင်မောင… Read More
ရခိုင်ယူနိုက်တက် ဂိုးသမား ချမ်းငြိမ်းကျော် အား ရတနာပုံ အသင်းအားဖြည့် ခေါ်ယူ၂၀၁၈ ရာသီ အကြိုပြင်ဆင် မှုအဖြစ် ရတနာပုံ အသင်းမှာ ရခိုင်ယူနိုက်တက် အသင်းမှ ဂိုးသမားချမ်းငြိမ်းကျော် အား ရတနာပုံ အသင်းမှ ထပ်မံခေါ်ယူခဲ့ ပြီဖြစ်သည်။ ချမ်းငြိမ်းကျော်မှာ ရခိုင်ယူနိုက်တက် အသင်းတွင် လက်စွမ်းပြ ကစားနေခြင်း ကြောင့်ပွ… Read More